Ku : Fauzi Salaka
Kira-kira saabad saacanna Immanuel Kant nguarkeun teorina, asal-usul planet bumi.
Witan sargakala niking bhumitala. Bhumitala pinakagni dumilah mwang uswa. Prayuta warca tumuli kukus peteng rat bhumandala canaih-canaih dhumanaratawa sirna. Bhumi mahatis. Yadyastub mangkana tatan hana janggama. Ateher bhumandala nikang dadi prawata lawan sagara.
Prayuta warca tumuli ta sthawarahalit, ateher dadi ta janggama prakara satwa; ateher satwekang haneng sagara makadi mina mwang sarwwa mina. Ri huwus ika prayuta warca tumuli sthawarekang nanawidha mwang ring samangkana dadi ta janggama satwa raksasanung nanawidha prakaranya; ateher sarwwa janggama satwa binturun mwang satwa lenya waneh kadi waraha,turangga mwang lenya manih.
Ateher prayuta warca tumuluy dadi ta janggama prakara manusadhama lawan tatan purnna. Hana pwa purwwa janma purusa satwa, ateher lawas ira mewu-iwu warca manih akrti saparwa manusa. Lawas ri huwus ika dadi ta purusakara, ateher manusadhama mwang wekasan dadi ta purusa purnna.
Hartina :
"Mimiti bumi di ciptakeun, kaayaan bumi the mangrupa seuneu anu ngagegedur hurung. Mangyuta-yuta taun, mimiti aya haseup hideung ngabelegbeg nutupan bumi. Laun-laun eta haseup anu hideung teh ilang. Bumi jadi tiis. Tapi can aya mahluk anu hirup masih kosong molongpong. Sageusna kitu, mimiti muncul gunung-gunung jeung lautan.
Sanggeus mangjuta-juta taun, mimiti tumuwuh kahirupan, aya tatangkalan anu laleutik, oge sasatoan laleutik nuharirup di lautan saperti lauk jeung sajabana. Saenggeusna kitu, mangjuta-juta taun tumuwuh deui mangrupa-rupa tatangkalan oge aya manuk jeung sasatoan saperti babi, kuda jrrd.
Sanggeus mangjuta-juta taun deui, kakara aya mahluk anu ngawujud manusa tapi can sampurna. Maranehna the manusa purba, manusa sato lantaran tingkah polahna saperti sato, anu sateurusna mangjuta-juta taun ngawujud jadi mahluk saperti manusa anu ahirna mahlik anu leuwih tiheula kalindih sarta beak diparaehan ku mahluk anu geus mangrupa manusa, anu ahirna mimiti aya manusa anu sampurna boh dina rurupaan atawa dina tingkah laku teu saperti sato teuing."
Ieu carita di “kutip” tina naskah “Pustaka Rajyarajya I Bhumi Nusantara “(pustaka ngeunaan raja-raja di bumi Nusantara) parwa I sarga I kaca 20 – 22 anu ditulis ku Pangeran Wangsakerta suwargi di karaton Kasepuhan Cirebon taun 1677 Masehi. Bukuna dijieun tina kulit kai anu lemes tur leuleus saperti keretas ayeuna, make mangsi hideung mangrupa karya budaya Nusantara di Jawa Barat kira-kita saabad saecanna Immanuel Kant ngumumkeun teorina ngeunaan asal-usul planet-planet bumi atawa kira-kira dua abad saecanna inohong Inggeris , Chares Robert Darwin ngumumkeun teorina dina buku “On The Origin of Species” taun 1859.
Dina kaca pamungkas (224) dijelaskeun yen naskah the rengse ditulis dina taun Saka “nawa gapura eka cuklapaksa crawanamasa” atawa taun 1599 Saka tangggal hiji dina bulan Srawana. Jadi kira-kira dina bulan Juli taun 1677 Masehi.
Pangeran Wangsakerta the Panembahan Cirebon , putra bungsu Panembahan Girilaya atawa turunan Susuhunan Jati Hidayattullah ka 5. Sok sanajan kitu, kanyaho jeung kabisa ngeunaan sajarah baheula, manehna bisa nulis pananggalan almanak Saka-Hindu. Naskah disusun jeung ditulis dina huruf jeung bahasa Jawa kuno.
Seri Nusantara tulisan Pangeran Wangsakerta aya 5 parwa ,masing-masing aya 5 sarga (jilid) anu kabehanana aya 25 jilid. Jilid pamungkas (parwa V sarga 5) husus ngamuat judul-judul tulisan anu geus ditulis di Karaton Cirebon , jumlahna aya 1753 judul. Seri husus “babon sajarah” aya 47 jilid. Kabeh ditulis meakeun waktu nepi ka 21 taun. Perlu nyaho yeh Pangeran Wangsakerta geus mere judul “NUSANTARA” dina salah sahiji buku seri sajarah anu ditulisna.
(Tina : “Rintisan Penelusuran masa silam Sejarah Jawa Barat” jilid pertama)
