UGA WANGSIT PRABU SILIWANGI
1. Pangapunten jisim abdi ka sadaya para wargi, hususnya para karuhun, neda hapunten ka para dewata, ka sangiang, ka dangiang, ka LULUHUR GALUH PAKUAN.
2. putra-putri PAJAJARAN, di kawit GALUH PAKUAN, dugi ka kiwari pisan nu katelah PUTRA SUNDA, mugi dijaga diriksa, dilanglangan saraosna.
3. Ti abdi saparakanca mung sakadar ngawakilan, wawakil panyambung lisan mengdugikeun WEJANGANANA TI EYANG PRABU SILIWANGI tina samemeh ngahiyang.
4. Mangga geura darangukeun, regepkeun dugi kaharti UGA WANGSIT SILIWANGI, supados jadi panggeuing ka sadaya putra-putri nyandang kawilujengan..
5. Saur EYANG PRABU pokna ka sadaya balad PAJAJARAN anu parantos malundur, sateuacanna ngahiyang:”LALAKON URANG TEH NGAN NEPI KA POE IEU PISAN UGANA.
6. SANAJAN DIA KABEHAN KA NGAING PADA SATIA, TAPI NGAING HENTEU MEUNANG MAWA PIPILUEUN NGILU HIRUP BALANGSAK, NGILU RUDIN BARI LAPAR.
7. Daria KUDU MARILIH, supaya engke jagana pikeun HIRUP KA HAREUPNA, sangkan JEMBAR SUGIH-MUKTI bisana NGADEGNA DEUI nya NAGARA PAJAJARAN.
8. Tapi lain PAJAJARAN, PAJAJARAN nu kiwari, pasti PAJAJARAN ANYAR, ANYAR DIADEGKEUNANA, nu NGADEGNA digeuingkeun, pasti ku OBAHNA JAMAN.”
9. Lajeng EYANG PRABU mitutur: “GEURA PARILIH KU DARIA, NGAING MO REK NGAHALANG-HALANG PIKEUN NGAING MAH, sababna HENTEU PANTES JADI RAJA mun SOMAH LAPAR BALANGSAK.”
10. Dawuhan EYANG PRABU geura ieu darengekeun: “Nu tetep ngilu jeung ngaing marisah ka beulah KIDUL, nu hayang baralik deui ka dayeuh nu ditinggalkeun,
11. geura misah ka beulah KALER, ari nu rek kumawula ka nu keur jaya geura misah pindah ka beulah WETAN, nu mawa karep sorangan marisah ka beulah KULON.
12. Darengekeun ku daria, dia nu ti beulah WETAN masing nyaraho areling, kajayaan ngilu jeung dia turunan daria jagana bakal marentah ka dulur ka batur.
13. Tapi dia sing nyaraho ari inyana kamalinaan pasti aya babalesna, jig bae geura marisah, tuturkeun ka beulah WETAN, heug rasakeun BABALESNA.
14. Dia nu ti beulah kulon, papay ku dia lacakna ti lacak KI SANTANG, sabab, ENGKE TURUNAN DIA JADI PANGGEUING KA DULUR SARTA NGAGEUING KA BATUR,
15. ka batur urut salembur, ka dulur nu sauyunan, ka nu RANCAGE HATENA. Ke jaga mun tengah peuting ti GUNUNG HALIMUN aya sora TUTULUNGAN.
16. tah eta TANDANA PISAN SATURUNAN DIA DISAMBAT ku nu dek kawin ti lebak, kawin ti LEBAK CAWENE, ulah rek talangke deui sabab TALAGA BAKAL BEDAH.
17. Jung geura narindak, tapi ulah ngalieuk ka tukang. Daria anu marisah ka beulah KALER darengekeun: “DAYEUH ku dia bakal MOAL KASAMPAK WUJUDNA,
18. ukur TEGALAN BALADEUHAN, turunan dia lolobana bakalan jaradi SOMAH, mun aya nu jadi PANGKAT bakal LUHUR PANGKATNA ngan TEU BOGA KAKAWASAAN.
19. Ari inyana engke jagana bakal kaseundeuan batur, loba batur nu ti anggang, tapi batur nu sarusah jeung batur nu nyusahkeun, tah daria sing waspada sakabeh turunan dia.
20. SAKABEH TURUNAN DIA KU NGAING BAKAL DILANGLANG, NGALANGLANG DINA WAKTUNA DIMANA NGAING PERLU BAKAL DATANG DEUI NULUNGAN NU BARUTUH DITULUNGAN,
21. MANTUAN NU SARUSAH, ka nu HADE HATE LAKU LAMPAHNA, MOAL KADEULEU MUN NGAING DATANG, MOAL KADENGE MUN NYARITA, memang NGAING BAKAL DATANG KA NU RANCAGE HATENA,
22. NU GEUS WAWUH DISEMU DINA SEMU, NU SAESTU, NU NGARTI KANA WAWANGI SAJATI, NU LANTIP PIKIRNA, NU HADE LAKU LAMPAHNA.
23. MUN NGAING WAKTUNA DATANG TEU NYARITA, TEU NGARUPA, tapi CIRINA KU WAWANGI, mimiti POE IEU ieu pisan LEUNGIT DI ALAM HIRUP, LEUNGIT DAYEUH JEUNG NAGARA.
24. PAJAJARAN moal ninggalkeun TAPAK lian ti NGARAN pikeun MAPAY, sabab BUKTI NU KARI bakal rea NU MALUNGKIR, tatapi ENGKE JAGANA BAKAL AYA NO NYOBA-NYOBA,
25. supaya ANU LALEUNGIT SANGKAN BISA KAPANGGIH DEUI, pasti BISA KATIMU, mapay kudu jeung AMPARAN, tapi nu marapayna loba nu ARIEU AING PANG PINTERNA.
26. Ari nu kitu buktina ngan KUDU AREDAN HEULA, sabab BAKAL REA ENGKENA NU KATIMU, sabagian laju KABURU DILARANG ku nu disebut RAJA PANYELANG.
27. NU WANI TERUS NGOREHAN, teu ngahiding ka panglarang, NGOREHAN BARU NGALAWAN, NGALAWAN BARINA SEURI, nyaeta BUDAK ANGON, imahna DI BIRIT LEUWI,
28. pantona BATU SATANGTUNG, kahieuman ku HANDEULEUM, karimbunan ku HANJUANG. Ari nu DIANGONNA lain EMBE lain MUNDING lain BANTENG lain MAUNG,
29. tapi KALAKAY jeung TUTUNGGUL, inyana JONGJON NGOREHAN NGUMPULKEUN NU KATARIMU, DISUMPUTKEUN sabab LALAKON TACAN WAYAH, lamun GEUS WAYAH jeung MANGSA,
30. BARIS LOBA NU KABUKA, MARENTA DILALAKONKEUN, tapi KUDU NGALAMAN LOBA LALAKON, lilana saban JAMAN sarua jeung WAKTU NYUKMA NGUSUMAH reujeung NITISNA,
31. laju NITIS MINDAH SUKMA”. Dawuhan eyang Prabu geura ieu darengekeun: “Nu kiwari ngamusuhan jadi RAJA nepi ka mangsa TANAH BUGEL CIBUNTAEUN,
32. dijieun kandang MUNDING DONGKOL. Tah di dinya SANAGARA bakalan jadi SAMPALAN, sampalan MUNDING BARULE, diangon ku JALMA JANGKUNG, tutunjuk di alun-alun.
33. Ti harita RAJA dibelenggu, MUNDING BULE nyekel bubuntut, TURUNAN URANG NARIK WULUKU ngan narikna teu kawasa sabab murah jaman seubeuh hakan. Ti dinya wuluku ditarik ku KUNYUK.
34. Lajuna TURUNAN URANG AYA NU LILIR, tapi LILIRNA JIGA NU HUDANG NGIMPI. Ti NU LEUNGIT tambah LOBA MANGGIHANANA, tapi LOBA NU PAHILI,
35. Nu lain kudu dibawa, TEU ARENGEUH TURUNAN URANG yen JAMAN GEUS GANTI LALAKON. Ti dinya GEGER SANAGARA, panto nutup digedoran ku NU NGANTEUR PAMUKA JALAN.
36. Tapi JALAN NU PASINGSAL. Nu TUTUNJUK nyumput jauh, alun-alun jadi suwung, MUNDING BULE kalabur, SAMPALAN diranjah KUNYUK, ngareunah seuri turunan urang,
37. tapi henteu anggeus seurina sabab warung beak ku KUNYUK, sawah ge beak ku KUNYUK, kebon ge beak ku KUNYUK, huma diacak-acak ku KUNYUK, cawene reuneuh ku KUNYUK.
38. Saniskara diranjah KUNYUK, turunan upama sieun ku KUNYUK, panarat ditarik ku KUNYUK bari diuk dina bubuntut, ARI WULUKU DITARIKNYA MASIH KU TURUNAN URANG.
39. Loba nu PAEH KALAPARAN. Ti dinya TURUNAN URANG NGAREP-NGAREP PELAK JAGONG, sabari NYANYAHOANAN maresek CATURRANGGA, teu arengeuh yen JAMAN ganti LALAKON.
40. Laju aya hawar-hawar ti tungtung SAGARA KALER, ngaguruh jeung ngageleger GARUDA MEGARKEUN ENDOGNA, GENJLONG SAAMPARAN JAGAT, di urang rame nu MANGPRING.
41. PRANGPRING SABULU-BULU GADING, kumpul KUNYUK ting rumpuyuk TURUNAN URANG NGARAMUK, ngaramuk TEU JEUNG ATURAN, loba nu paraeh pisan, NU PARAEH TANPA DOSA.
42. MUSUH dijarieun BATUR, BATUR dijarieun MUSUH, ngadadak lobana PANGKAT, MARENTAH SIGA NU EDAN, nu bingung tambah baringung, BUDAK SATEPAK JARADI BAPA.
43. Nu ngaramuk tambah rosa, ngaramuk teu pilih bulu, nu BARODAS dibuburak, nu HIDEUNG disieuh saheng buana urang ku sabab nu ngaramukna. Teu beda reujeung tawon du dipalengpeng sayangna, SANUSA DIJIEUN JAGAL, tapi kaburu disapih, nu nyapihna URANG SEBRANG, laju ngadegna deui RAJA
44. Asalna JALMA BIASA, memang TITISAN RAJA, TITISAN RAJA BAHEULA, biangna hiji PUTRI, PUTRI PULO DEWATA, da puguh TITISAN RAJA.
45. RAJA ANYAR hese apesna, hese apes ku rogahala. Ti harita GANTI DEUI JAMAN, GANTI JAMAN GANTI LALAKON, teu lila geus TEMBONG BULAN, tembongna bulan TI BEURANG,
46. disusul kalewat BENTANG, BENTANG CAANG NU NGAGENCLANG, di urut NAGARA URANG ngadeg deui KARAJAAN, RAJA JERO KARAJAAN, lain TEUREUH PAJAJARAN.
47. Laju aya deui RAJA, tapi RAJA BUTA, lawang teu meunang dibuka, panto teu meunang ditutup, PANCURAN di tengah jalan, ngingu HEULANG na CARINGIN.
48. Da puguh RAJANA BUTA, teu neuleu aya BUHAYA, reujeung AJAG, UCING GARONG, reujeung pirang-pirang KUNYUK NGOROWOTAN NU SARUSAH. Sakalina AYA NU NGAGEUING,
49. nu diporog LAIN SATONA, tapi JALMA NU NGELINGAN. Mingkin hareup mingkin hareup LOBA JALMA NU BARUTA, naritah NYEMBAH BERHALA, bubuntut SALAH NGATURNA.
50. NGATURNA SAKAMA-KAMA PANARAT, pabeulit dina cacadan, SALAH NGAWULUKUNA lain JALMA TUKANG TANI, karuhun TARATE hampa sawareh,
51. nya KAPAS hapa buahna, nya PARE acak-acakan, LOBA NU TEU ASUP KANA ASEUPAN, sabab bongan NU NGEBONNA LOLOBANA TUKANG BOHONG.
52. Nu TANI ngan wungkul JANGJI, loba nu PALINTERNA, pinterna KABALINGER. Hol datang BUDAK JANGGOTAN SAJAMANG HIDEUNG, datangna nyonyoren KANERON BUTUT.
53. NGAGEUING nu KEUR SASAR, NGELINGAN KANU PAROHO, tapi TEU PISAN DIWARO da KABELINGER PINTERNA, HARAYANG MEUNANG SORANGAN, TEU ELING KA NU NGELINGAN.
54. LANGIT geus BEUREUM SEMUNA HASEUP, NGEBULNA PIRUNAN, boro-boro REK NGAWARO, ku inyana DITAREWAK, arasup ka PANGBEROKAN, eta BARUDAK JANGGOTAN.
55. Laju inyana NGAWUT-NGAWUT PIRANG-PIRANG DAPUR BATUR, majarkeun NEANGAN MUSUH, padahal ari inyana NYIAR-NYIAR PIMUSUHEUN, urangna masing WASPADA,
56. sabab ENGKENA ari inyana BAKAL NYARAM PAJAJARAN, HENTEU BEUNANG DIDONGENGKEUNG, sabab ari inyana pisan SARIEUNEUN KANYAHOAN TEGESNA ari inyana pisan.
57. Anu jadi gara-gara SAGALA JADI DANGDARAT, BUTA nu BARUTA mangkin TAMBAH BEDEGONG, bedegong LEUWIH TI MISTI, ngaleuleuwihan MUNDING BULE.
58. Ari inyana TEU ARELING, yen HARITA TEH JAMAN NU GEUS KAASUP KANA JAMAN NYATA, JAMAN SATO pisan, meh kabeh JAMAN MANUSA ku SATO dikawasaanana.
59. Jarayana BUTA-BUTA teu sabaraha lilana, bongan KACIDA TEUING NYANGSARANA KA SOMAH-SOMAH, loba somah NGAREP-NGAREP CARINGIN REUNTAS di alun-alun.
60. BUTA bakal jaradi WADAL, tina PAMOLAHNA SORANGAN, pasti BUKTI NA MANGSANA, NYATA mun GEUS KATEMBONG BUDAK ANGON, wanci datangna MANGSA LOBA NU RIBUT.
61. Mimiti RIBUT DI DAPUR, ti dapur laju ALEMBUR, salembur jadi SANAGARA, nu BODO JADI GARELO, nu GARELUT dibantuan BUDAK BUNCIRENG kokolotna.
62. Nu matak GARELUT ROSA rosa pasti PAREBUT WARISAN, nu hawek HAYANG PANG LOBANA, nu teu hawek HAYANG LOBA, anu boga MARENTA TINA HAK BAGIANANA,
63. Ngan NU ARELING CICING, ngan ukur NGALALAJOANAN ngan sakadar KABARERANG. Nu garelut laju REUREUH, laju kakara arengeuh, TAYA NU MEUNANG BAGIAN,
64. sabab WARISAN KABEH PEREN, BEAKNA KU NU NYAREKEL, ku nu NYAREKEL GADEAN. BUTA-BUTA nyarusup, NU GELUT JADI KAREUEUNG ditempuhkeun LEUNGITNA NAGARA.
65. Laju NEANGAN BUDAK ANGON, nu saungna DI BIRIT LEUWI, dihateup ku HANDEULEUM, pantona BATU SATANGTUNG, ditihangan HANJUANG, BUDAK ANGONna GEUS EUWEUH.
66. Ari inyana dek MENTA TUMBAL nya ka BUDAK ANGON tea, geus narindak babarengan jeung BUDAK JANGGOTAN mariang PINDAH BABAKAN, pindah ka LEBAK CAWENE.
67. Nu kasampak kari GAGAK, nyata GAGAKNA keur NGELAK, dina TUTUNGGUL”. Eyang Prabu pok ngadawuh: “Geura ieu darengekeun, JAMAN BAKAL GANTI DEUI,”
68. “Nyaeta GANTINA JAMAN, tapi engke mun kasaksi GUNUNG GEDE ENGGEUS BITU, disusul ku TUJUH GUNUNG, genjlong deui SAJAGAT, URANG SUNDA DISARAMBAT.
69. Pasti kanyataanana PUTRA SUNDA NGAHAMPURA, HADE DEUI SAKABEHNA, NAGARA NGAHIJI DEUI, NUSA JADI DEUI, sabab NGADEG RATU ADIL.
70. RATU ADIL NU SAJATI, Cing SAHA ETA WUJUDNA, jeung TI MANA ASALNA ETA RATU ADIL, engke dia nyaraho, KIWARI SIAR BAE ku daria BUDAK ANGON ANU TANGTU
71. Tah sakitu kami WAWANGSIT ka daria sakabeh, eta WANGSIT KUDU PUHIT, kiwari GEURA NARINDAK, ULAH NGALIEUK KA TUKANG BISI AYA BALUKARNA.”
